Patiṟṟup pattu

((Originally extracted from master file ^PATIRRU.OCP))
((Last updated on 2004 April 14th))

• {PATI 41-1} puṇar puri narampiṉ tīm toṭai paḻuṉiya
• {PATI 41-2} vaṇar amai nal yāḻ iḷaiyar poṟuppa
• {PATI 41-3} paṇ amai muḻavu um patalai um piṟa um
• {PATI 41-4} kaṇ aṟuttu iyaṟṟiya tūmpoṭu curukki
• {PATI 41-5} kāvil takaitta tuṟai kūṭu kala paiyar
• {PATI 41-6} kai val iḷaiyar kaṭavuḷ paḻicca
• {PATI 41-7} maṟa puli kuḻūu kural cettu vaya kaḷiṟu
• {PATI 41-8} varai cērpu eḻunta cuṭar vī vēṅkai
• {PATI 41-9} pū uṭai perum ciṉai vāṅki piḷantu taṉ
• {PATI 41-10} mā irum ceṉṉi aṇipeṟa milaicci
• {PATI 41-11} cēer uṟṟa cel paṭai maṟavar
• {PATI 41-12} taṇṭu uṭai valattar pōr etirntāṅku
• {PATI 41-13} vaḻai amal viyaṉ kāṭu cilampa piḷiṟum
• {PATI 41-14} maḻai peyal māṟiya kaḻai tiraṅku attam
• {PATI 41-15} oṉṟu iraṇṭu ala pala kaḻintu tiṇ tēr
• {PATI 41-16} vacai il neṭuntakai kāṇku vanticiṉ ē
• {PATI 41-17} tāval uyyum ō maṟṟu ē tāvātu
• {PATI 41-18} vañciṉam muṭitta oṉṟumoḻi maṟavar
• {PATI 41-19} muracu uṭai perum camattu aracu paṭa kaṭantu
• {PATI 41-20} vevvar ōccam peruka tevvar
• {PATI 41-21} miḷaku eṟi ulakkaiyiṉ irum talai iṭittu
• {PATI 41-22} vaiku ārppu eḻunta mai paṭu parappiṉ
• {PATI 41-23} eṭuttēṟu ēya kaṭippu uṭai viyaṉ kaṇ
• {PATI 41-24} valam paṭu cīrtti oruṅku uṭaṉ iyaintu
• {PATI 41-25} kāl uḷai kaṭum picir uṭaiya vāl uḷai
• {PATI 41-26} kaṭum pari puravi ūrnta niṉ
• {PATI 41-27} paṭum tirai paṉi kaṭal uḻanta tāḷ ē